ଆମେରିକା ଉପରେ ଭାରି ପଡିଲା ଇରାନ୍ : ୧୪ ଆମେରିକୀୟ ସୈନ୍ୟ ମୃତ୍ୟୁ , ୪୧୪ ଆହତ

ପୁଣି ଘନେଇଛି ଇରାନ୍ -ଆମେରିକା ଯୁଦ୍ଧା । ମଧ୍ୟପ୍ରାଚ୍ୟରେ ଯୁଦ୍ଧ ଥମିବାର ନାଁ ଧରୁନାହିଁ । ନିକଟରେ ଟ୍ରମ୍ପ ଶାନ୍ତିଚୁକ୍ତିରେ ଇରାନ୍ ସହ ଯୁଦ୍ଧ ବିରତି ଘୋଷଣା କରିବା ପରେ ପୁଣି କିଛି ଦିନ ବ୍ୟବଧାନରେ ଆରମ୍ଭ ହୋଇଯାଇଛି ଯୁଦ୍ଧ । ଏଥର କିନ୍ତୁ ଆମେରିକା ଉପରେ ଭାରି ପଡିଛି ଇରାନ୍ । 

ଆମେରିକା-ଇରାନ ଯୁଦ୍ଧରେ ଆମେରିକୀୟ ସୈନ୍ୟଙ୍କ ମୃତ୍ୟୁ ସଂଖ୍ୟା ୧୪କୁ ବୃଦ୍ଧି ପାଇଛି । ବର୍ତ୍ତମାନ ମୃତ୍ୟୁ ହୋଉଛି ଜଣେ ଆମେରିକୀୟ ନୌସେନା ପାଇଲଟଙ୍କର ଯିଏ ଜୁଲାଇ ଆରମ୍ଭରେ ଆରବ ସାଗରରେ ଏକ ହେଲିକପ୍ଟର ଦୁର୍ଘଟଣାରେ ଗୁରୁତର ଆହତ ହୋଇଥିଲେ ।ଏହା ସହିତ ଏହି ସଂଘର୍ଷରେ ଆହତ ହୋଇଥିବା ଆମେରିକୀୟ ସୈନ୍ୟଙ୍କ ସଂଖ୍ୟା ୪୧୪କୁ ବୃଦ୍ଧି ପାଇଛି ବୋଲି ଆମେରିକା କେନ୍ଦ୍ରୀୟ କମାଣ୍ଡ ସେଣ୍ଟକମ୍ କହିଛି ।

ଆମେରିକୀୟ ଅଧିକାରୀଙ୍କ ଅନୁଯାୟୀ, ଆହତ ସୈନିକମାନଙ୍କ ମଧ୍ୟରୁ ଅଧିକାଂଶ ଟ୍ରମାଟିକ୍ ବ୍ରେନ୍ ଆଘାତ (ଟିବିଆଇ)ରେ ପୀଡିତ ଥିଲେ। ଏହା ମୁଣ୍ଡ ଏବଂ ମସ୍ତିଷ୍କରେ ଗୁରୁତର ଆଘାତ ଯୋଗୁଁ ସୃଷ୍ଟି ହୋଇଥିଲା। ଏପରି ଆଘାତ ସାଧାରଣତଃ ମିସାଇଲ୍ ଆକ୍ରମଣ ଏବଂ ବଡ଼ ବିସ୍ଫୋରଣ ନିକଟରେ ଥିବା ସୈନିକମାନଙ୍କଠାରେ ଦେଖାଦେଇଥାଏ। 

ପୂର୍ବରୁ, ପୃଥକ ଘଟଣାରେ ୧୩ ଜଣ ଆମେରିକୀୟ ସୈନିକଙ୍କ ମୃତ୍ୟୁ ହୋଇଥିଲା । ହେଲିକପ୍ଟର ଦୁର୍ଘଟଣା ସମ୍ପର୍କରେ ପେଣ୍ଟାଗନ ସ୍ପଷ୍ଟ କରି କହିଛି ଯେ,ଜୁଲାଇ ୧ ତାରିଖରେ ଜରୁରୀକାଳୀନ ଅବତରଣ ସମୟରେ ଏହା ଘଟିଥିଲା । ଏଥିରେ ଥିବା ଅନ୍ୟ ତିନି ଜଣ ସଦସ୍ୟଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା। ଏବେ, ଜୁଲାଇ ରିପୋର୍ଟରେ, ପେଣ୍ଟାଗନ ଏହି ଘଟଣାକୁ ଏକ ଅଣ-ଯୁଦ୍ଧ ମୃତ୍ୟୁ ଭାବରେ ତାଲିକାଭୁକ୍ତ କରିଛି ।