ବିଦାଇବେଳେ ଶାଶୁ ମାଗିଥିଲେ ଦୁଇଲକ୍ଷ ଟଙ୍କା
ଭୋପାଳରେ ଘଟିଥିବା ପୂର୍ବତନ ଅଭିନେତ୍ରୀ ତଥା ମଡେଲ ତ୍ୱିଶା ଶର୍ମାଙ୍କ ସନ୍ଦେହଜନକ ମୃତ୍ୟୁ ଘଟଣା ବର୍ତ୍ତମାନ ଏକ ହାଇପ୍ରୋଫାଇଲ ମାମଲାର ରୂପ ନେଇଛି । ତାଙ୍କ ପରିବାରର ଅଭିଯୋଗ କ୍ରମେ ମଧ୍ୟପ୍ରଦେଶ ସରକାର ଏହି ମାମଲାର ସିବିଆଇ (CBI) ତଦନ୍ତ ପାଇଁ ସୁପାରିଶ କରିଛନ୍ତି ।ବ୍ୟକ୍ତିଗତ ଆବଶ୍ୟକତା ପାଇଁ ତ୍ଵିଶାଙ୍କୁ ଟଙ୍କା ମିଳୁନଥିଲା
ଅଭିଯୋଗରେ କୁହାଯାଇଛି ଯେ ବିବାହ ପରେ ତ୍ଵିଶାଙ୍କୁ ତାଙ୍କ ସ୍ୱାମୀ ଏବଂ ଶାଶୁ ଯୌତୁକ ପାଇଁ ନିରନ୍ତର ଗାଳି ଦେଉଥିଲେ । ବିବାହ ପାଇଁ ତ୍ଵିଶାଙ୍କ ପରିବାର ଦ୍ୱାରା ହୋଇଥିବା ଖର୍ଚ୍ଚ ସେମାନଙ୍କ ଆଶା ଅନୁଯାୟୀ ନଥିଲା ବୋଲି ଶାଶୁ କହିଥିଲେ । ଏଫଆଇଆରରେ ଏହା ମଧ୍ୟ କୁହାଯାଇଛି ଯେ ବିବାହ ପରେ ତ୍ଵିଶାଙ୍କୁ ତାଙ୍କ ସ୍ୱାମୀ ଏବଂ ଶାଶୁ ବ୍ୟକ୍ତିଗତ ଆବଶ୍ୟକତା ପାଇଁ ଟଙ୍କା ଦେଉନଥିଲେ । ଫଳରେ ତ୍ଵିଶାଙ୍କ ବାପା ଅନଲାଇନରେ ଝିଅକୁ ଟଙ୍କା ପଠାଇବାକୁ ବାଧ୍ୟ ହେଉଥିଲେ ।
