ପୁଣି ତେଜିଲା ଇରାନ୍ ଆମେରିକା ଯୁଦ୍ଧ : ଇରାନର ମିସାଇଲ ମାଡରେ ଜଳିଗଲା ଭାରତୀୟ ଥିବା ଜାହାଜ

ପୁଣି ଘନେଇଲା ଇରାନ ଆମେରିକା ଯୁଦ୍ଧ । ସମୁୁଦ୍ର ମଝିରେ ମହାଲଢେଇ । ପ୍ରଥମେ ଟ୍ରମ୍ପଙ୍କୁ ଇରାନ୍‌ର ଧମକ୍  ଆଉ ପରେ ପରେ ୧୦୦୦ ମିଶାଇଲ୍ ମାଡ କରିବାର ଖୋଲା ଖୋଲି ଚେତାବନି ଦେଇଥିଲେ ଆମେରିକା ରାଷ୍ଟ୍ରପତି । 

ସୂଚନା ଅନୁଯାୟୀ ରବିବାର ଇରାନର ମିସାଇଲ ମାଡରେ ଜଳିଯାଇଛି ଭାରତୀୟ ଥିବା ଜାହାଜ । ଓମାନ ଉପକୂଳରେ ଷ୍ଟ୍ରେଟ୍ ଅଫ୍ ହର୍ମୁଜରେ ଏକ ବାଣିଜ୍ୟିକ ଜାହାଜ ଉପରେ ଭୟାବହ ଆକ୍ରମଣ କରିଛି ଇରାନ୍ । 

ସବୁଠାରୁ ଚିନ୍ତାକର ବିଷୟ ହେଉଛି ଏହି ଜାହାଜରେ ୧୧ ଜଣ ଭାରତୀୟ ନାଗରିକ ଥିଲେ । ସେମାନଙ୍କ ଭିତରୁ ୧୦ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ନିଖୋଜ ଥିବା ଜଣାପଡିଛି । 

ମିଳିଥିବା ସୂଚନା ଅନୁଯାୟୀ, ସାଇପ୍ରସର ପତାକା ଲାଗିଥିବା ବାଣିଜ୍ୟିକ ଜାହାଜ GFS ଗାଲାକ୍ସି ଉପରେ ଏହି ଆକ୍ରମଣ ହୋଇଛି। ଏହାପରେ ଜାହାଜରେ ନିଆଁ ଲାଗିଯାଇଥିଲା ଓ ଜୀବନ ବଞ୍ଚାଇବା ପାଇଁ କ୍ରୁ-ସଦସ୍ୟମାନେ ସେଠାରୁ ଡେଇଁପଡ଼ିଥିଲେ। ଭାରତୀୟ ବୈଦେଶିକ ମନ୍ତ୍ରାଳୟ ଆକ୍ରମଣକୁ କଡ଼ା ନିନ୍ଦା କରିଛି। ଓମାନରେ ଥିବା ଭାରତୀୟ ଦୂତାବାସ ସ୍ଥାନୀୟ ପ୍ରଶାସନ ସହ ମିଶି ନିଖୋଜ ଭାରତୀୟଙ୍କୁ ଖୋଜିବା ପାଇଁ ସର୍ଚ୍ଚ ଓ ରେସକ୍ୟୁ ଅପରେସନ ଜାରି ରଖିଛନ୍ତି।