ଭୁଷୁଡ଼ିବ ପ୍ରାଥମିକ ଶିକ୍ଷାର ମେରୁଦଣ୍ଡ

ଭୁବନେଶ୍ୱର ଅସ୍ମିତାଟିଭି ଲାଇଭି: ଶିକ୍ଷକଙ୍କ ମଧ୍ୟରେ ଅସନ୍ତୋଷ । ଅନିର୍ଦ୍ଧିଷ୍ଟ କାଳ ପାଇଁ ଧାରଣାରେ ବସିଲେ ପ୍ରାଥମିକ ଶିକ୍ଷକ ମହାସଂଘ । ଓଡ଼ିଶାର ଆବାହକ ରାମଲାଲ ପଟେଲଙ୍କ ନେତୃତ୍ୱରେ ପ୍ରାଥମିକ ଶିକ୍ଷକର ଦୁଇ ଟି ଦାବୀ ପୂରଣ ପାଇଁ ଆଜି ଭୁବନେଶ୍ୱର ଗାନ୍ଧୀ ମାର୍ଗ ଠାରେ ଏକ ଶାନ୍ତିପୂର୍ଣ୍ଣ ଧାରଣା ଆରମ୍ଭ ହୋଇଛି । ଦୁଇଟି ଦାବି ମଧ୍ୟରୁ ପ୍ରଥମଟି ହେଲା ପ୍ରାଥମିକ ଶିକ୍ଷକମାନଙ୍କର ଗ୍ରେଡ ପେ କୁ ଲେବୁଲ 9 ଅନୁଯାୟୀ ମୂଳ ଦରମା 35,400 ଦେବାକୁ ହେବ । ଏହାସହ ଦ୍ଵିତୀୟ ଟି ହେଲା  2001 ମସିହାରୁ ଠିକା କାର୍ଯ୍ୟକାଳକୁ ଗଣନା କରି ନେସନାଲ ଇନକ୍ରିମେଣ୍ଟ ପ୍ରଦାନ କରିବାକୁ ହେବ । ଗୋଟିଏ ପଟେ ନୂତନ ଶିକ୍ଷାବର୍ଷ ଏବଂ ଜାତୀୟ ଜନଗଣନା କାର୍ଯ୍ୟକ୍ରମ ଆରମ୍ଭ ହୋଇଥିବାବେଳେ ରାଜ୍ୟରେ ଶିକ୍ଷକମାନଙ୍କୁ ହିଁ ଅବହେଳାର ଶିକାର ହେବାକୁ ପଡୁଛି । ତାଙ୍କୁ ମିଳିପାରୁନାହିଁ ତାଙ୍କର ଅଧିକାର ।

ଏହାକୁ ନେଇ ଓଡ଼ିଶାର ଆବାହକ ରାମଲାଲ ପଟେଲ କହିଛନ୍ତି ଯେ, ସରକାର ଅନ୍ୟ ବିଭାଗଙ୍କୁ ସହାୟତା କରୁଛନ୍ତି ହେଲେ ଆମେ ଦାବୀ କରିବା ପରେ ମଧ୍ୟ ଆମର ଦାବି ଶୁଣୁ ନାହାନ୍ତି ସରକାର । ଏଇଟା କେବଳ ଆମ ପ୍ରତି ନୁହଁ ବରଂ ଦେଢ଼ ଲକ୍ଷ ଶିକ୍ଷକଙ୍କ ପ୍ରତି ଅନ୍ୟାୟ ହେଉଛି । ଓଡ଼ିଶାର ଶିକ୍ଷା ବ୍ୟବସ୍ଥାର ଆମେ ହେଉଛୁ ମେରୁଦଣ୍ଡ । ସେଥିପାଇଁ ସରକାର ଆମର ଦାବି ଶୁଣନ୍ତୁ ଏବଂ ଏହାର ତୁରନ୍ତ ସମାଧାନ କରନ୍ତୁ ।

ଅନ୍ୟପଟେ ପ୍ରାଥମିକ ଶିକ୍ଷକ ମହାସଂଘର ସାଧାରଣ ଶିକ୍ଷକ ଶୁଶାନ୍ତ କୁମାର ବେହେରା ଶିକ୍ଷକଙ୍କ ପ୍ରତି ହେଉଥିବା ସରକାରଙ୍କ ଅବହେଳାକୁ ନେଇ ନିନ୍ଦା କରିଛନ୍ତି । ବାର ବାର ଆଲୋଚନା ପରେ ମଧ୍ୟ ସରକାର ତାଙ୍କ ଦାବିକୁ ପୁରଣ କରିବାରେ ସମର୍ଥ ହୋଇପାରୁ ନାହିଁ ।

ସେହିପରି ପ୍ରାଥମିକ ଶିକ୍ଷକ ମହାସଂଘର ସଦସ୍ୟ ପ୍ରିୟମ୍ବଦା ଆଚାର୍ଯ୍ୟ କହିଛନ୍ତି ଯେ ଗତ ବର୍ଷ ଯେଉଁ ଦାବିକୁ ନେଇ ଆମେ ଆସିଥିଲୁ ସରକାର 7 ଦିନ ମଧ୍ୟରେ ତାର ସମାଧାନ କରିବେ ବୋଲି କହିଥିଲେ । ହେଲେ 4 ମାସ ହେବ ସରକାରଙ୍କ ପଛରେ ଆମେ ଦୌଡୁଛୁ । ହେଲେ ସରକାର ଆମକୁ ଧାରା ଛୁଆଁ ଦେଉ ନାହିଁ । ତେବେ ଦେଖିବାକୁ ବାକି ରହିଲା ଗଣଶିକ୍ଷା ବିଭାଗ ଏହାକୁ ନେଇ କେତେ ଦୂର ସମାଧାନର ବାଟ ଖୋଲୁଛି ।