ଥମୁନି ଗ୍ୟାସ୍ ଯନ୍ତ୍ରଣା, ଲୋକେ ଛଟପଟ ହେଉଛନ୍ତି ବୁକିଂ ପରେ ବି ମିଳୁନି ସିଲିଣ୍ଡର

କେବେ ଥମିବ ଗ୍ୟାସ୍ ଯନ୍ତ୍ରଣା ? ସରକାର କହୁଛନ୍ତି ଗ୍ୟାସ୍ ପ୍ରଚୁର ପରିମାଣରେ ଅଛି, ତାପରେ ବି ମିଳୁନି ଗ୍ୟାସ୍ । ଏବେବି ଗ୍ୟାସ୍ ଯନ୍ତ୍ରଣାରେ ଛଟପଟ  ସାଧାରଣ ଜନତା । ସାରା ଓଡିଶା ରୁ ଆସିଛି ଏମିତି କିଛି ଚିତ୍ର । ଯାହାକୁ ଦେଖିଲେ ଆପଣ ବି ବିଶ୍ୱାସ କରିପାରିବେନି  କି ଗ୍ୟାସ୍‌ ପାଇଁ ବି ଏମିତି ଡହଳ ବିକଳ ହୋଇ ପାରନ୍ତି ଜନତା । ବୁକିଂ ହେଉଛି, କନଫର୍ମ ଓଟିପି ମଧ୍ୟ ଆସୁଛି । କିନ୍ତୁ ମିଳୁନି ଗ୍ୟାସ ସିଲିଣ୍ଡର । ଗ୍ୟାସ୍‌ ସିଲିଣ୍ଡର ନପାଇ କାରଣ ଖୋଜିବାକୁ ଗ୍ୟାସ୍‌ ଅଫିସ ଆଗରେ ଲାଗୁଛି ଗ୍ରାହକଙ୍କ ଲମ୍ବା ଲାଇନ୍‌ । 

ଗ୍ୟାସ ବୁକିଂ ପରେ ମଧ୍ୟ ମାସ ମାସ ହେବ ଗ୍ୟାସ ନମିଳୁଥିବାରୁ ଅଭିଯୋଗ ଜଣାଇବାକୁ ଏହି ଲମ୍ବା ଲାଇନ ଲାଗୁଛି । ବୁକିଂର ନୂଆ ନିୟମ ପରେ ମଧ୍ୟ ବୁକିଂ କଲେ ଏଜେନ୍ସି ଗ୍ୟାସ ଯୋଗାଇ ଦେଉନଥିବା ଅଭିଯୋଗ ଆଣିବା ସହିତ ଗ୍ରାହକମାନେ ଅସନ୍ତୋଷ ଜାହିର କରିଛନ୍ତି । ଅନ୍ୟପଟେ ସଠିକ ଭାବେ ଗ୍ୟାସ ଯୋଗାଣ ହେଉନଥିବା ଘଟଣାକୁ ଏଜେନ୍ସି କର୍ମଚାରୀ ସ୍ୱୀକାର କରିଛନ୍ତି । ଏହାସହ ଖୁବଶୀଘ୍ର ଏହାର ସମାଧାନ ହେବ ବୋଲି କହିଛନ୍ତି ସରକାର ଏହା ଉପରେ ଗୁରୁତ୍ୱ ଦିଅନ୍ତୁ ବୋଲି ସାଧାରଣ ରେ ଦାବି ହେଉଛି