ଉପାସରେ ରହିଲେ ପ୍ରଭୁ ଲିଙ୍ଗରାଜ

ଭୁବନେଶ୍ୱର ଅସ୍ମିତାଟିଭି ଲାଇଭି: ଦୁଇ ସେବାୟତ ଗୋଷ୍ଠୀଙ୍କ ମଧ୍ୟରେ ବିବାଦ ପାଇଁ ଉପାସରେ ରହିଲେ ପ୍ରଭୁ ଲିଙ୍ଗରାଜ । ବାଟି ବାଟି ସମ୍ପତ୍ତି ଥାଇ ମଧ୍ୟ ସେବାୟତଙ୍କ ବିବାଦ ପାଇଁ ଉପାସରେ ରହିବାକୁ ବାଧ୍ୟ ହେଲେ ପ୍ରଭୁ । କେଉଁ ସେବାୟତ ପ୍ରଭୁ ଲିଙ୍ଗରାଜଙ୍କୁ ରୂପା ଘୋଡ଼ଣୀକୁ ଲାଗି କରିବ ଏନେଇ ବିବାଦରେ ଦୁଇ ଗୋଷ୍ଠୀ ସେବାୟତ ହୋଇଛନ୍ତି ମୁହାଁମୁହିଁ । ଏଥିପାଇଁ ବନ୍ଦ କରିଦେଲେ ପ୍ରଭୁ ଲିଙ୍ଗରାଜଙ୍କର ନିତି । ପରିସ୍ଥିତି ଏପରି ହେଲା ଯେ ହାତାହାତି ହୋଇଗଲେ ବଡୁ ନିଯୋଗ ଓ ସୁଆର ନିଯୋଗ। ସେବାୟତଙ୍କ ପାଇଁ ଦିନଯାକ ଉପାସ ରହିଲେ ପ୍ରଭୁ ଲିଙ୍ଗରାଜ । ଦର୍ଶନ ପାଇଁ ଆସିଥିବା ଭକ୍ତମାନେ କରି ପାରିଲେନି ମହାପ୍ରଭୁଙ୍କ ଲିଙ୍ଗରାଜଙ୍କ ଦର୍ଶନ । ନିରାଶ ହେଲେ ଭକ୍ତ ।

ଅନ୍ୟପଟେ ମନ୍ଦିରର ସେବାୟତ ଏହାକୁ ନେଇ କହିଛନ୍ତି ଯେ, ଏହା ଏକ ପୂର୍ବନିର୍ଦ୍ଧାରିତ ବିବାଦ । ଏହି ମାମଲାକୁ ନେଇ ତଦନ୍ତ କରାଯିବ । ତଦନ୍ତ ପରେ ଟ୍ରଷ୍ଟ ବୋର୍ଡକୁ ରିପୋର୍ଟ ପଠାଯିବ ଏବଂ ଟ୍ରଷ୍ଟ ବୋର୍ଡ ଏହା ଉପରେ କାର୍ଯ୍ୟାନୁଷ୍ଠାନ ନେବେ ।

ଆସନ୍ତା 20 ତାରିଖରେ ହେବାକୁ ଥିବା ଟ୍ରଷ୍ଟ ବୋର୍ଡ ମିଟିଂରେ ପୁଣିଥରେ ସେବାୟତଙ୍କ ଦାୟିତ୍ୱକୁ ଘୋଷଣା କରାଯିବ । ଯେଉଁ ସେବାୟତଙ୍କୁ ଯେଉଁ ଦାୟିତ୍ୱ ଦିଆଯାଇଛି ତା ବାବଦରେ ଯଦି କୌଣସି ସେବାୟତ ଅଲଗା କାର୍ଯ୍ୟ କରନ୍ତି ତେବେ ସେଥି ପ୍ରତି କାର୍ଯ୍ୟାନୁଷ୍ଠାନ ନିଆଯିବ । ଏହି ମାମଲାକୁ ନେଇ ଅଧିକ ତଦନ୍ତ କରିବାକୁ ଆଦେଶ ଦେଇଛନ୍ତି କାର୍ଯ୍ୟ ନିର୍ବାହୀ ଅଧିକାରୀ ।

ବିବାଦ ବିବାଦ ଭିତରେ ବଳି ପଡିଯାଉଛନ୍ତି ମହାପ୍ରଭୁ ଲିଙ୍ଗରାଜ । ସେବାୟତମାନଙ୍କ ମଧ୍ୟରେ ବିବାଦ ପାଇଁ ଲିଙ୍ଗରାଜ ମହାପ୍ରଭୁଙ୍କ ନୀତିରେ ବ୍ୟାପକ ବାଧା ସୃଷ୍ଟି ହେଉଛି । ଏହା ଆଗରୁ ବି ହେଉଥିଲା ଏବେ ବି ହେଉଛି । ତେବେ ପ୍ରସାଶନ କରୁଛି କଣ ? କାହିଁକି ସମାଧାନ କରିପାରୁନାହିଁ ପ୍ରସାଶନ ? ଏହା ପ୍ରସାଶନର ଅପାରଗତା ନା ଅବହେଳା ?