ବାଂଲାଦେଶୀଙ୍କ କବ୍ଜାରେ ଓଡ଼ିଶା

ଓଡ଼ିଶାରେ ପୁରି ରହିଛନ୍ତି ବାଙ୍ଗଲାଦେଶୀ । ସହର ଠୁ ଗ୍ରାମ , ଗ୍ରାମ ଠୁ ସହର ସବୁ ଜାଗାରେ ବ୍ୟାପିଛନ୍ତି ବାଂଲାଦେଶୀ । ଏ କଥା ସ୍ୱୟଂ ସ୍ୱୀକାର କରିଛନ୍ତି ରାଜ୍ୟ ସରକାର।ବିଧାୟକ ଗଣେଶ୍ୱର ବେହେରାଙ୍କ ପ୍ରଶ୍ନରେ ଆଜି ବିଧାନସଭାରେ ଏହି ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ରାଜ୍ୟରେ ବିଜେପି ସରକାର ଆସିବା ପରେ ଓଡ଼ିଶାରେ ୭୭ ଜଣ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ଚିହ୍ନଟ କରାଯିବା ସହ ସେଥିରୁ ୭୫ଜଣଙ୍କୁ ଦେଶାନ୍ତର କରାଯାଇଛି ।

ବାକି ଦୁଇ ଜଣ ଜାଲ୍ କାଗଜପତ୍ର ଦେଇ ଭାରତୀୟ ପାସପୋର୍ଟ କରିଥିବାରୁ ସେମାନଙ୍କ ବିରୋଧରେ କେସ୍ କରାଯାଇ କୋର୍ଟ ଚାଲାଣ କରାଯାଇଛି । ରାଜ୍ୟର ସମସ୍ତ ଜିଲ୍ଲାରେ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ଚିହ୍ନଟ, ଅଟକ ଓ ଦେଶାନ୍ତରୀକରଣ ପାଇଁ "ସ୍ୱତନ୍ତ୍ର କାର୍ଯ୍ୟ ବାହିନୀ'' ଗଠନ କରାଯାଇଛି । ସମସ୍ତ ଜିଲ୍ଲାର ଆରକ୍ଷୀ ଅଧୀକ୍ଷକମାନଙ୍କୁ ନିୟମିତ ଭାବେ କେନ୍ଦ୍ର ଗୃହ ମନ୍ତ୍ରଣାଳୟ ନିର୍ଦ୍ଦେଶାବଳୀ ଅନୁଯାୟୀ ଅନୁପ୍ରବେଶକାରୀଙ୍କ ଚିହ୍ନଟ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦିଆଯାଉଛି ଓ ସମସ୍ତ ଆରକ୍ଷୀ ଅଧୀକ୍ଷକମାନେ ସେହି ନିର୍ଦ୍ଦେଶାବଳୀ ଅନୁସାରେ କାର୍ଯ୍ୟ କରୁଛନ୍ତି ।

୨୦୨୪ ଜୁନ ମାସ ପରଠାରୁ ୨୦୨୬ ଫେବ୍ରୁଆରି ୨୮ ତାରିଖ ମଧ୍ୟରେ ସମୁଦାୟ ୭୭ଜଣ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ଚିହ୍ନଟ କରାଯାଇଛି । ଭୁବନେଶ୍ୱରକ୍ଷହ ୨୬, କଟକରେ ୧୫, ବ୍ରହ୍ମପୁରରେ ୬, ଗଞ୍ଜାମରେ ୧, କନ୍ଧମାଳ-୪, କୋରାପୁଟ-୧, କେନ୍ଦ୍ରାପଋା-୩ ଓ ଜଗତସିଂହପୁର-୨୧ । ଏମାନଙ୍କ ଭିତରୁ ଗଞ୍ଜାମରୁ ଜଣେ , କନ୍ଧମାଳରୁ ଜଣେ ) ବାଂଲାଦେଶୀ ଅନୁପ୍ରବେଶକାରୀ, ଜାଲ କାଗଜପତ୍ର ଦେଇ ନିଜ ନାଁରେ ଭାରତୀୟ ପାସପୋର୍ଟ କରିନେଇଥିବାରୁ ସେମାନଙ୍କ ବିରୋଧରେ ମୋକଦ୍ଦମା ରୁଜୁ ପରେ କୋର୍ଟଚାଲାଣ କରାଯାଇଛି ।