ମାଓ ମୁକ୍ତ ହେବ ଓଡ଼ିଶା

ମାଓ ମୁକ୍ତ ହେବ ଓଡ଼ିଶା । ମାର୍ଚ୍ଚ ୩୧ ସୁଦ୍ଧା ଓଡ଼ିଶାକୁ ମାଓମୁକ୍ତ କରିବାକୁ କସରତ କରୁଛନ୍ତି ରାଜ୍ୟ ସରକାର । ଏଥି ମଧ୍ୟରେ ମୋଷ୍ଟ ୱାଣ୍ଟେଡ୍‌ ମାଓନେତା ଶୁକ୍ରୁ ସମେତ 5 ନକ୍ସଲ କନ୍ଧମାଳ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି । ତାଙ୍କ ପାଖରୁ ଏକେ-୪୭ ଅସ୍ତ୍ର ମଧ୍ୟ ଉଦ୍ଧାର କରାଯାଇଥିଲା।ତାଙ୍କ ମୁଣ୍ଡରେ ଥିଲା 55 ଲକ୍ଷ ପୁରସ୍କାର ଟଙ୍କା।ବର୍ତ୍ତମାନ କନ୍ଧମାଳ-କଳାହାଣ୍ଡି-ରାୟଗଡା ଜିଲ୍ଲା ସୀମାନ୍ତବର୍ତ୍ତୀ ଅଳ୍ପ କିଛି ଅଞ୍ଚଳରେ ପ୍ରାୟ ୧୫ ଜଣ ମାଓବାଦୀଙ୍କ ଉପସ୍ଥିତି ବ୍ୟତୀତ ରାଜ୍ୟର ଅନ୍ୟ କୌଣସି ଅଞ୍ଚଳରେ ମାଓବାଦୀଙ୍କର ଉପସ୍ଥିତି ନାହିଁ ।

ମାର୍ଚ୍ଚ ୩୧ ସୁଦ୍ଧା ସବୁ ରାଜ୍ୟକୁ ମାଓବାଦୀମୁକ୍ତ କରିବାକୁ ଟାର୍ଗେଟ ଦିଆଯାଇଛି । ଶୁକ୍ରୁକୁ ଧରିବାକୁ ବହୁଦିନ ହେବ ଓଡ଼ିଶା ପୋଲିସ ପ୍ରୟାସ ଜାରି ରଖିଥିଲା । ତାକୁ ଧରାଇଦେବା ପାଇଁ ୫୫ ଲକ୍ଷର ଟଙ୍କାର ପୁରସ୍କାର ରାଶି ମଧ୍ୟ ଘୋଷଣା କରାଯାଇଥିଲା । କନ୍ଧମାଳରେ କିଛିବର୍ଷ ହେବ ମାଓ ନେତା ଶୁକ୍ରୁ ବେଶ୍‌ ସକ୍ରିୟ ଥିଲା । ଏପରିକି ସେ ଏଇଟ୍‌ଥ କମ୍ପାନୀ ନାଁରେ ନୂଆ ସଂଗଠନ ଚଳାଇଥିଲା । ଶୁକ୍ରୁକୁ ଆତ୍ମସମର୍ପଣ ପାଇଁ ଓଡ଼ିଶା ପୋଲିସ ପକ୍ଷରୁ ଅପିଲ୍‌ କରାଯାଇଥିଲା । ଶୁକ୍ରୁ ମାଓ ସଙ୍ଗଠନର ଷ୍ଟେଟ କମିଟି ସଦସ୍ୟ ଥିଲା । ତେବେ ସେ ଆତ୍ମସମର୍ପଣ କରିବା ପରେ ମାଓ ସଂଗଠନରେ ଓଡ଼ିଶାର ଆଉ କେହି ବଡ଼ ନେତା ନାହାନ୍ତି ବୋଲି ଜଣାପଡିଛି ।