ସୁରକ୍ଷା ବଳୟରେ ଥିବା ବିଧାନସଭାରେ ପଶିଲା କାର

ଭୁବନେଶ୍ୱର ଅସ୍ମିତାଟିଭି ଲାଇଭି: ଏକ କାର ଜୋରଜବରଦସ୍ତ ଦିଲ୍ଲୀ ବିଧାନସଭା ପରିଷର ମଧ୍ୟକୁ ଯାଉଥିବାର ଦେଖିବାକୁ ମିଳିଛି। ଦିଲ୍ଲୀ ପୋଲିସ ସୂଚନା ଅନୁଯାୟୀ, ଗେଟ ନଂ୨କୁ ଭାଙ୍ଗି ଭିତରକୁ ଯାଇଥିଲା ଏକ ସନ୍ଦିଗ୍ଧ କାର । ଉତ୍ତର ପ୍ରଦେଶ ପଞ୍ଜିକରଣ ନମ୍ବର ଥିବା ଏକ କାର ୨ନଂ ଗେଟ ଭାଙ୍ଗି ଭିତରେ ପଶିଥିଲା । କାରରେ ଥିଲା ଜଣେ ମୁଖାପିନ୍ଧା ବ୍ୟକ୍ତି । ୨ନଂ ଗେଟ ଭାଙ୍ଗି ଭିତରେ ପଶିବା ପରେ ବିଧାନସଭା ବାଚସ୍ପତି ବିଜେନ୍ଦର ଗୁପ୍ତାଙ୍କ କାର୍ୟ୍ୟାଳୟ ପର୍ଯ୍ୟନ୍ତ ପହଞ୍ଚିଥିଲା । ସେ ପର୍ଯ୍ୟନ୍ତ ତାକୁ ସୁରକ୍ଷା କର୍ମୀ ତାକୁ ଅଟକାଇ ପରି ନଥିଲେ । ଅଟେ ସୁରକ୍ଷା ବଳୟ ଭିତରେ ସେ କିପରି ବାଚଷ୍ପତିଙ୍କ କାର୍ଯ୍ୟାଳୟ ପର୍ଯ୍ୟନ୍ତ ପହଞ୍ଚିଥିଲା । କେଉଁଠି ଥିଲେ ସୁରକ୍ଷା କର୍ମୀ? କାହିଁକି ଅଟକାଇ ପରି ନଥିଲେ ଗୋଟିଏ ସାଧାରଣ କାରକୁ? ମୁଖାପିନ୍ଧା ବ୍ୟକ୍ତିଟି ବାଚଷ୍ପତିଙ୍କ କାର୍ଯ୍ୟାଳୟ ନିକଟରେ ଯାଇ ଫୁଲ ତୋଡ଼ା ରଖି ଗାୟବ ହୋଇଯାଇଛି । ତେବେ କିଏ ଆଉ କାହିଁକି ଏପରି କରିଛି କିଛି ସ୍ପଷ୍ଟ ଜଣାପଡି ନାହିଁ । ଦିଲ୍ଲୀ ପୋଲିସ ବିଧାନସଭା ପରିଷରରେ ତଦନ୍ତ ଆରମ୍ଭ କରିଛି ।