ପଶ୍ଚିମ ଏସିଆ ପ୍ରସଙ୍ଗରେ ରାଜ୍ୟସଭାରେ ବିବୃତି ରଖିଛନ୍ତି ପ୍ରଧାନମନ୍ତ୍ରୀ

ପଶ୍ଚିମ ଏସିଆ ପ୍ରସଙ୍ଗରେ ରାଜ୍ୟସଭାରେ ବିବୃତି ରଖିଛନ୍ତି ପ୍ରଧାନମନ୍ତ୍ରୀ। ବିଶ୍ୱରେ ଯୁଦ୍ଧ ପାଇଁ ଶକ୍ତି ସଂକଟ ଦେଖା ଦେଇଛି । ପେଟ୍ରୋଲ,ଡିଜେଲ,ଗ୍ୟାସ, ସାର ଯୋଗାଣ ପାଭାବିତ। LPGରୁ PNGକୁ ପରିବର୍ତ୍ତନ ପାଇଁ ନିରନ୍ତର ପ୍ରୟାସ ଜାରି ରହିଛି। ପୂର୍ବରୁ ୨୭ ଦେଶରୁ ଏନର୍ଜୀ ଆମଦାନୀ ହେଉଥିଲା, ଏବେ ୪୧ ଦେଶରୁ ଆସୁଛି। ଯୁଦ୍ଧ ଆରମ୍ଭ ପରଠାରୁ ୩ ଲକ୍ଷ ୭୫ ହଜାର ଭାରତୀୟ ବିଦେଶରୁ ଫେରିଲେଣି । କେବଳ ଇରାନରୁ ପ୍ରାୟ ୧ ହଜାର ଭାରତୀୟ ଫେରିଲେଣି। ଯୁଦ୍ଧ ଆରମ୍ଭ ପରଠାରୁ ହର୍ମୁଜ ପ୍ରଣାଳୀ ଦେଇ ଯାତାୟାତ ବାଧା ପ୍ରାପ୍ତ ହୋଇଛି । ହର୍ମୁଜ ପ୍ରଣାଳୀରେ ଅନେକ ଭାରତୀୟ ଜାହାଜ ଅଟକିଛି। ଅନେକ ଭାରତୀୟ ନାବିକ ଫସି ରହିଛନ୍ତି । ଗଲ୍ଫ ଦେଶମାନଙ୍କ ସହ ଦୁଇ ପର୍ଯ୍ୟାୟରେ କଥାବାର୍ତ୍ତା ସରିଛି । ହର୍ମୁଜ ପ୍ରଣାଳିକୁ ମୁକ୍ତ କରିବା ପାଇଁ ଆଲୋଚନା ହୋଇଛି । ହର୍ମୁଜ ଅବରୋଧ ତଥା ବାଣିଜ୍ୟିକ ଜାହାଜ ଉପରେ ଆକ୍ରମଣ ଗ୍ରହଣୀୟ ନୁହେଁ। ଆଲୋଚନା ମାଧ୍ୟମରେ ଶାନ୍ତି ଫେରାଇ ଆଣିବାକୁ ପ୍ରଧନମନ୍ତ୍ରୀଙ୍କ ବିଶ୍ୱକୁ ଆହ୍ୱାନ ।