ଆମେରିକାକୁ ବୁଦ୍ଧି ଶିଖାଇଲା ଇରାନ

ମଧ୍ୟପାଚ୍ୟରେ ଯୁଦ୍ଧ ପରିସ୍ଥିତି ମଧ୍ୟରେ ଏବେ ଶାନ୍ତି ପାଇଁ ଚର୍ଚା । ଖବର ଅନୁସାରେ, ଆମେରିକା ଇରାନ ସହ ଯୁଦ୍ଧକୁ ବନ୍ଦ କରିବା ପାଇଁ କାଳେ ପାକିସ୍ଥାନକୁ କରିଛି ମଧ୍ୟସ୍ତି । ଇରାନକୁ ୧୫ ସୂତ୍ରୀ ଶାନ୍ତି ପ୍ରସ୍ତାବ ପଠାଇଛି କାଳେ ଅ।ମେରିକା । ପାକିସ୍ତାନ ମଧ୍ୟ ଏହି ପ୍ରସ୍ତାବକୁ ଇରାନଙ୍କୁ ହସ୍ତାନ୍ତର କରିଛି । ଏପଟେ କାଳେ ଇରାନ ଏହି ପ୍ରସ୍ତାବକୁ ଖାରଜ କରି କହିଛି ଯେ ସେମାନେ କେବେ ମଧ୍ୟ ଏହାକୁ ଗ୍ରହଣ କରିବେ ନାହିଁ। ସେଥିପାଇଁ ଇରାନ ଆମେରିକାକୁ କଡ଼ା ଚେତାବନୀ ମଧ୍ୟ ଦେଇଛି ।

ଏହାରିଭିତରେ ଭାରତ ନିଜର ଶକ୍ତି ସୁରକ୍ଷା ଏବଂ ନାଗରିକମାନଙ୍କ ସୁରକ୍ଷାକୁ ନଜରରେ ରଖି ବଡ଼ ପଦକ୍ଷେପ ନେଇଛି । ବିଶ୍ୱର ସବୁଠାରୁ ଜରୁରୀ ସାମୁଦ୍ରିକ ମାର୍ଗ ହର୍ମୁଜ୍ ପ୍ରଣାଳୀ ନିକଟରେ ଉତ୍ପନ୍ନ ଅନିଶ୍ଚିତ ପରିସ୍ଥିତିକୁ ଦେଖି ଭାରତୀୟ ନୌସେନା ‘ଅପରେସନ୍ ଊର୍ଜା ସୁରକ୍ଷା’ ଆରମ୍ଭ କରିଛି । ଏହି ଅପରେସନ୍‌ର ଲକ୍ଷ୍ୟ ହେଉଛି ସେଠାରେ ଫସିଥିବା ଭାରତୀୟ ବ୍ୟବସାୟିକ ଜାହାଜ ଓ ନାବିକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ।

ସମ୍ପ୍ରତି ଇରାନ ଓ ଇସ୍ରାଏଲ ମଧ୍ୟରେ ବଢ଼ୁଥିବା ସଂଘର୍ଷ ଯୋଗୁଁ ହର୍ମୁଜ୍ ପ୍ରଣାଳୀରେ ଜାହାଜ ଚଳାଚଳ ଅସୁବିଧା ସୃଷ୍ଟି ହୋଇଛି । ଏହି ପରିସ୍ଥିତିରେ ପ୍ରାୟ ୨୨ଟି ଭାରତୀୟ ପତାକାଧାରୀ ଜାହାଜ ସେଠାରେ ଅଟକିଥିବା ସୂଚନା ମିଳିଛି, ଯେଉଥିରେ ୬୧୧ ଜଣ ଭାରତୀୟ ନାବିକ ରହିଥିବା ସୂଚନା ରହିଛି । ଏହି ଜାହାଜଗୁଡ଼ିକରେ ବହୁ ପରିମାଣର LPG, LNG ଓ ଅଶୋଧିତ ତୈଳ ରହିଛି  ଏଥିସହିତ ଦେଶରେ ମଧ୍ୟ ଗ୍ୟାସ ଏବଂ ତୈଳ ସମସ୍ୟ ସୃଷ୍ଟି ହେବା ପରିଲକ୍ଷିତ ହେଉଛି ।

ଏହାକୁ ଦୃଷ୍ଟିରେ ରଖି ଭାରତୀୟ ନୌସେନା ପକ୍ଷରୁ ୫ରୁ ଅଧିକ ଆଧୁନିକ ଯୁଦ୍ଧଜାହାଜ ଓମାନ ସାଗର ଅଞ୍ଚଳରେ ମୁତୟନ କରାଯାଇଛି। ଏହି ଯୁଦ୍ଧଜାହାଜଗୁଡ଼ିକ ଡେଷ୍ଟ୍ରୋୟର ଓ ଫ୍ରିଗେଟ୍‌ ସହିତ ଉନ୍ନତ ସେନସର ଓ ଆଣ୍ଟି-ମିସାଇଲ୍ ପ୍ରଣାଳୀରେ ସଜ୍ଜିତ ଅଛନ୍ତି, ଯାହା ବ୍ୟବସାୟିକ ଜାହାଜଗୁଡ଼ିକୁ ଲେୟାରଡ୍ ସୁରକ୍ଷା ପ୍ରଦାନ କରୁଛି  ।

ଏହି ସମୟରେ ଭାରତର କୂଟନୀତିକ ପଦକ୍ଷେପ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ନେଇଛି। ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ସିଧାସଳଖ ଭାବେ ଇରାନ ସରକାର ସହ ଆଲୋଚନା କରି ଭାରତୀୟ ଜାହାଜ ପାଇଁ ସୁରକ୍ଷିତ ମାର୍ଗ ସୁନିଶ୍ଚିତ କରିଛନ୍ତି । ଭାରତର ନିରପେକ୍ଷ ନୀତି ଯୋଗୁଁ ଇରାନ ପକ୍ଷରୁ ମଧ୍ୟ ସହଯୋଗ ମିଳୁଥିବା କୁହାଯାଇଛି ।

ସେପଟେ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନା ଅନୁସାରେ, ଦେଶର ଶକ୍ତି ସୁରକ୍ଷା ଓ ନାଗରିକମାନଙ୍କ ଜୀବନ ରକ୍ଷା ସର୍ବୋପରି । ସମସ୍ତ ଜାହାଜକୁ ସୁରକ୍ଷିତ ଭାବେ ଗନ୍ତବ୍ୟସ୍ଥଳକୁ ପହଞ୍ଚାଇବା ପାଇଁ ନୌସେନା ସମ୍ପୂର୍ଣ୍ଣ ସତର୍କ ଅବସ୍ଥାରେ ଅଛି ।