ପେଟ୍ରୋଲ ପମ୍ପରେ ମିଳିବ କିରୋସିନ

• କେନ୍ଦ୍ର ସରକାରଙ୍କ ବଡ଼ ନିଷ୍ପତି 
• ପୁଣି ବଜାରକୁ ଫେରିଲା କିରୋସିନ 
• LPG ସଙ୍କଟ ମଧ୍ୟରେ ନିୟମ କୋହଳ କଲେ କେନ୍ଦ୍ର ସରକାର 
• ପେଟ୍ରୋଲ ପମ୍ପରେ ମିଳିବ କିରୋସିନ 
• ୨୧ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳକୁ ମିଳିଲା ଅନୁମତି 

ହାଣ୍ଡିଶାଳକୁ ଫେରିବ କିରୋସିନ। ମଧ୍ୟପ୍ରାଚ୍ୟ ଯୁଦ୍ଧ ପାଇଁ ପୁଣି କିରୋସିନ ଫେରିବାର ବାଟ ଖୋଲିଛି । ବଜାରକୁ ଆସିବ ପ୍ରାୟ ୪୮ ହଜାର କିଲୋ ଲିଟର କିରୋସିନି । LPG ସଙ୍କଟ ଦିନକୁ ଦିନ ଗୁରୁତର ହୋଇ ପଡ଼ୁଥିବା ବେଳେ ଏହାକୁ ନେଇ କେନ୍ଦ୍ର ସରକାର ବଡ଼ ନିଷ୍ପତ୍ତି ନେଇଛନ୍ତି। ପଶ୍ଚିମ ଏସିଆରେ ଚାଲିଥିବା ଯୁଦ୍ଧ ପରିସ୍ଥିତି ଯୋଗୁଁ ରନ୍ଧନ ଗ୍ୟାସ୍ ବା LPG ଯୋଗାଣରେ ସମସ୍ୟା ଦେଖାଦେଇଛି । ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର କିରୋସିନ ବିକ୍ରି ନିୟମ କୋହଳ କରିଛନ୍ତି। ଆଗାମୀ ୬୦ ଦିନ ପାଇଁ ସରକାରୀ ପେଟ୍ରୋଲ ପମ୍ପଗୁଡ଼ିକରେ କିରୋସିନ ବିକ୍ରି କରିବାକୁ ଅନୁମତି ଦିଆଯାଇଛି ।

ଓଡ଼ିଶା ସମେତ ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଅତିରିକ୍ତ କିରୋସିନ ଯୋଗାଇ ଦିଆଯିବ। ୨୫୦୦ ଲିଟର ଯାଏ କିରୋସିନ ରଖିବାକୁ ପମ୍ପକୁ ଅନୁମତି ଦେଇଛନ୍ତି ସରକାର । ଡିଲର ଓ ଏଜେଣ୍ଟଙ୍କୁ ବିଶେଷ ସରକାରୀ ରିହାତି ମିଳିବ। ମଧ୍ୟପ୍ରାଚ୍ୟରେ ଉତ୍ତେଜନା ଇନ୍ଧନ ଉପଲବ୍ଧତାକୁ ପ୍ରଭାବିତ କରିବା ଓ ଘରୋଇ ଏଲପିଜି ବ୍ୟବହାର ଉପରେ ଚାପ ପଡିବା ଯୋଗୁଁ ଏହି ପଦକ୍ଷେପ ନିଆଯାଇଛି। ବିଶେଷ କରି ଗ୍ରାମାଞ୍ଚଳର ପରିବାରକୁ ଏଥିରେ ପ୍ରାଥମିକତା ଦିଆଯିବ । ସରକାରଙ୍କ କହିବାନୁଯାୟୀ, ଦେଶରେ ତେଲ ବା ଗ୍ୟାସର ଅଭାବ ନାହିଁ, ତେଣୁ ଆତଙ୍କିତ ହୋଇ କିରୋସିନି ଗଚ୍ଛିତ ରଖନ୍ତୁ ନାହିଁ । କଳାବଜାରୀ ରୋକିବା ପାଇଁ କଡ଼ା ନିର୍ଦ୍ଦେଶ ଦିଆଯାଇଛି ।